ಉಡುಪಿ ಜಿಲ್ಲೆಯಲ್ಲಿಯೇ ಮೊದಲ ಬಾರಿಗೆ ದುಬೈ ಮೂಲದ ಕಫೆಟೋಜ್ ಶಾಖೆ ಕುಂದಾಪುರದಲ್ಲಿ ಶುಭಾರಂಭ

ಕುಂದಾಪುರ ಮಿರರ್ ಸುದ್ದಿ…

ಕುಂದಾಪುರ: ಜಗತ್ತಿನ ವಿವಿಧೆಡೆಗಳಲ್ಲಿ ತನ್ನ ಶಾಖೆಯನ್ನು ಹೊಂದಿರುವ ಪ್ರಸಿದ್ಧ ಕಫೆಟೋಜ್ ಸಂಸ್ಥೆಯು ಉಡುಪಿ ಜಿಲ್ಲೆಯಲ್ಲಿಯೇ ಮೊದಲ ಬಾರಿಗೆ ತನ್ನ ಶಾಖೆಯನ್ನು ಕುಂದಾಪುರದಲ್ಲಿ ಸೋಮವಾರ ಲೋಕಾರ್ಪಣೆಗೊಳಿಸಿದೆ.

ಕುಂದಾಪುರದ ಶಾಸ್ತ್ರೀ ವೃತ್ತದ ಸಮೀಪ ಭಂಡಾರ್ಕಾರ್ಸ್ ಕಾಲೇಜು ರಸ್ತೆಯಲ್ಲಿರುವ ಯುವಜನ ಕ್ರೀಡಾ ಇಲಾಖೆಯ ಕಟ್ಟಡದಲ್ಲಿ ಸೋಮವಾರ ಸಂಜೆ ತಹಸೀಲ್ದಾರ್ ಶೋಭಾಲಕ್ಷ್ಮಿ ಉದ್ಘಾಟಿಸಿದರು. ಬಳಿಕ ಮಾತನಾಡಿದ ಅವರು, ವಿದೇಶಗಳಲ್ಲಿ ತಮ್ಮ ಪ್ರಖ್ಯಾತಿಯನ್ನು ಗಳಿಸಿರುವ ಕಫೆಟೋಜ್ ಸಂಸ್ಥೆ ಕುಂದಾಪುರದಲ್ಲಿ ಆರಂಭಗೊಂಡಿರುವುದು ಕುಂದಾಪುರಿಗರಿಗೆ ಹೆಮ್ಮೆಯ ವಿಷಯ ಎಂದರು. ಗ್ರಾಹಕರು ವೆಜ್ ಹಾಗೂ ನಾನ್ ವೆಜ್ ಎರಡನ್ನೂ ಒಂದೇ ಸೂರಿನಡಿಯಲ್ಲಿ ಪಡೆಯುವ ಉತ್ತಮ ಅವಕಾಶ ಕಫೆಟೋಜ್ ನಲ್ಲಿದೆ. ಶುದ್ಧತೆ ಮತ್ತು ಸ್ವಚ್ಛತೆಯ ಜೊತೆಗೆ ಕೈಗೆಟುಕುವ ಬೆಲೆ ಇದರ ವಿಶೇಷ ಎಂದ ಅವರು ಇದರ ಸದುಪಯೋಗಪಡಿಸಿಕೊಳ್ಳಿ ಎಂದರು.

ಕಫೆಟೋಜ್ ಕುಂದಾಪುರ ಶಾಖೆಯ ಮಾಲಕರಾದ ಅಬೂಬಕ್ಕರ್ ಹಾಗೂ ನೌಫೀಝ್ ಗ್ರಾಹಕರನ್ನು ಸ್ವಾಗತಿಸಿ ಉಪಚರಿಸಿದರು.

ಪ್ರಾಂಚೈಸಿ ಪಡೆಯುವ ಆಸಕ್ತರಿದ್ದರೆ 9743 780 880 ಸಂಖ್ಯೆಯನ್ನು ಸಂಪರ್ಕಿಸುವಂತೆ ಕೋರಿದರು.